Yesu rakshithaavin aadaakunnu njaan

യേശു രക്ഷിതാവിൻ ആടാകുന്നു ഞാൻ

സ്വർഗ്ഗസ്ഥപിതാവിൻ പുത്രനായ താൻ

പേർ ചൊല്ലി വിളിച്ചു മുമ്പേ നടക്കും

ഞാനതു ശ്രവിച്ചു പിമ്പേ ഗമിക്കും

 

മുട്ടുണ്ടാകയില്ല കുറവില്ലിന്നു

ചഞ്ചലമതില്ല തന്റെ ആടിനു

 

പച്ചമേച്ചിലിങ്കൽ എന്നെ കിടത്തി

സ്വച്ഛവെള്ളത്തിങ്കൽ എന്നെ നടത്തി

തിരിച്ചെന്നാത്മാവെ തന്റെ നാമത്താൽ

നീതിയിൻ വഴിയേ നടത്തുന്നതാൽ

 

ചാവിൻ നിഴലിന്റെ താഴ്വരയിൽ ഞാൻ

നടന്നാലും എന്റെ കൂടെയുണ്ടുതാൻ

ഒരു ദോഷത്തേയും പേടിക്കില്ല ഞാൻ

തൻകോലും വടിയും ആശ്വസിപ്പിക്കും

 

ശത്രുക്കൾ മുമ്പാകെ മേശയൊരുക്കി

തന്നെൻ ശിരസ്സാകെ പൂശുന്നെണ്ണ നീ

എന്റെ പാനപാത്രം നിറയുന്നിതാ

നിനക്കു ഞാൻ സ്തോത്രം ചെയ്യും സർവ്വദാ

 

ആയുഷ്കാലമാകെ നന്മ കാരുണ്യം

പിന്തുടരുമെന്നെ അതെൻ ലാവണ്യം

ദൈവഭവനത്തിൽ നിത്യം വസിക്കും

ഞാനുമത്യുച്ചത്തിൽ തന്നെ സ്തുതിക്കും.