Yesu nallavan enikku yesu nallavan

യേശു നല്ലവൻ എനിക്കു യേശു നല്ലവൻ

നല്ല രക്ഷകൻ തൻനാമം വാഴ്ത്തിപ്പാടും ഞാൻ

യേശു നല്ലവൻ അതേ എൻ യേശു നല്ലവൻ

യേശു നല്ലവൻ

ചെങ്കടൽ പിളർന്നു നൽവഴി നടത്തിടും

അടിമയിൻ നുകം തകർത്തു വീണ്ടെടുത്തവൻ

ചിറകുകൾ വിടർത്തി മറവിൽ കാത്തിടുന്നവൻ

യേശു നല്ലവൻ

മുന്നിലും പിറകിലും നടന്നു കാവലായ്

മേഘമൊന്നെനിക്കുമേൽ വിരിച്ചു സ്നേഹമായ്

നീണ്ടമരുഭൂവിലുള്ളങ്കൈയിൽ താങ്ങിടും

യേശു നല്ലവൻ

കോട്ടകൾ തകർത്തിടാൻ ബലത്തെ നൽകിടും

നീട്ടിയ ഭൂജത്താലെന്നെ താൻ നടത്തിടും

വീട്ടിലെത്തുവോളം പൊൻമുഖത്തെ നോക്കിടാം

യേശു നല്ലവൻ

ക്ഷാമകാലത്തെന്നെ ക്ഷേമമോടെ കാത്തിടും

പച്ചപ്പുൽത്തകിടിയിൽ കിടത്തിടുന്നവൻ

വേണ്ടതെല്ലാം നിത്യമേകി പോറ്റിടുന്നവൻ

യേശു നല്ലവൻ