Yesu ethra nallavan vallabhan

യേശു എത്ര നല്ലവൻ വല്ലഭൻ

യേശു എത്ര ഉന്നതൻ വന്ദിതൻ

എന്നെന്നും മാറിടാത്ത മന്നവൻ

എന്നെ കാത്തിടുന്ന രക്ഷകൻ

 

സങ്കടങ്ങൾ തിങ്ങിടും വേളയിൽ

തൻകരങ്ങളാലവൻ താങ്ങിടും

സന്തതം പ്രിയൻ കൂടെയുള്ളതാൽ

എന്തൊരാനന്ദമെൻ ജീവിതം

 

കൂട്ടുകാരും കൈവെടിയും നേരത്ത്

കൂട്ടിന്നായുണ്ടവൻ ചാരത്ത്

പാട്ടുകൾ പാടി ഞാൻ പോയിടും

പാടുകൾ ഏറ്റ എൻനാഥനായ്

 

കർത്തൻവേല ചെയ്തു ഞാൻ തീരണം

കർത്തൻ വീട്ടിൽ ചെന്നെനിക്കു ചേരണം

കർത്തനെ നേരിലൊന്നു കാണണം

ഹല്ലേലുയ്യാ ഗീതമെന്നും പാടണം.