Vaazhthidunnu naadhaa

വാഴ്ത്തിടുന്നു നാഥാ

വാഴ്ത്തിടുന്നു ദേവാ

വാഴ്ത്തിടുന്നു ഭൂവാനങ്ങൾ

സൃഷ്ടിച്ച ദൈവാത്മജാ

 

ആദിയനാദിയും നീ

അൽഫഒമേഗയും നീ

ആയിരം പതിനായിരങ്ങളിൽ

സർവ്വാംഗസുന്ദരൻ നീ

 

ഉന്നതദേവൻ നീ

വന്ദ്യമഹോന്നതൻ നീ

ലോകത്തിൻ പാപം ചുമെന്നൊഴിപ്പാൻ

വന്നൊരു കുഞ്ഞാടു നീ

 

സ്വന്തനിണം ക്രൂശിൽ

ചിന്തി മുഴുവൻ നീ

നൊന്തുനിൻ പ്രാണൻ വെടിഞ്ഞു-

യിർത്തു വാഴുമാചാര്യൻ നീ

 

ഏകമദ്ധ്യസ്ഥൻ നീ

ഏവർക്കും രക്ഷകൻ നീ

ഇന്നലെ ഇന്നുമെന്നും മാറാത്ത

വല്ലഭ ദേവൻ നീ

 

സ്തോത്രം ഹല്ലേലുയ്യ

മാമഹത്വം സ്തുതിയും

സാദരം സർവ്വവും അർപ്പിച്ചു നാഥാ

പാദം കുമ്പിടുന്നു.