Sthothram yesu devaa sthothram jeevanaadhaa

സ്തോത്രം യേശു ദേവാ സ്തോത്രം ജീവനാഥാ

സ്തോത്രമിന്നുമെന്നും ദൂതന്മാർ

രാപ്പകൽ വാഴ്ത്തിടുന്ന ദേവാ

 

പാപികളെ തേടി പാരിൽ വന്ന ദേവാ

പാവന നിണം പാപികൾക്കേകിയ

പ്രാണനായകനേ

 

നീ മരിച്ചുയിർത്തു ഹാ ജയം വരിച്ചു

വാനിലുയർന്നു താതൻ വലഭാഗത്തിന്നു

വാഴുന്നോനേ

 

ആയിരങ്ങളിൽ നീ ആരിലും സുന്ദരനാം

വാനിലും ഭൂവിലാകെ മഹോന്നതനേശു

രക്ഷകനേ

 

വാഴ്ത്തിടുന്നിതാ ഞാൻ ലോകരക്ഷിതാവേ

വാഴ്ത്തിടുന്നെന്നും സർവ്വ ലോകാധിപനേശു

നായകനേ.