Sakalavumundenikkesuvinkal

സകലവുമുണ്ടെനിക്കേശുവിങ്കൽ

അവൻ തന്നെയെനിക്കുള്ള ബലം മുഴുവൻ

ധനത്തിലുമവനൊടു തുല്യനായി

ട്ടൊരുത്തനെയിഹത്തിൽ ഞാൻ കാണുന്നില്ല

 

എത്തിപ്പോകാതുള്ള നിക്ഷേപം ഞാൻ

കർത്തന്റെ കൈകളിൽ കാണുന്നുണ്ട്

ധനത്തിന്റെ നഷ്ടത്തിൽ ലവലേശവും

ഭയത്തിനൊരവകാശം കാണുന്നില്ല

 

ശത്രുക്കളെ ജയിക്കുന്നതിനായ്

നിത്യവും ബലമവൻ നൽകിടുന്നു

ജഡത്തിന്റെ ശക്തിയെയമർച്ച ചെയ്‌വാൻ

കരുത്തനായ് കാത്തിടുന്നെന്നെ നിത്യം

 

ശോഭിക്കും സുര്യനാം സിംശോൻ തന്റെ

ദേഹബലം കുറഞ്ഞിടുന്നെങ്കിൽ

ദയയുള്ള നാഥനാം യേശുവെന്നെ

ദലീലയെ തകർക്കുവാൻ ബലപ്പെടുത്തും

 

ഒറ്റദിനംക്കൊണ്ടു ഫെലിസ്ത്യരെല്ലാം

നശിക്കുന്ന ഭയങ്കര കാഴ്ച കാണാം

അതിനുടെ മദ്ധ്യത്തിൽ സിംശോൻ വീഴാതിരിപ്പതിൻ

അനുദിനം പ്രാർത്ഥിക്ക നാം.