Paadum njaanesuvinu sthuthi paadum

പാടും ഞാനേശുവിനു സ്തുതിപാടും ഞാനേശുവിന്നു

പാടും ഞാൻ ജീവകാലമെന്നും നാഥന്നു

 

പാപിയാമെന്നെത്തേടി പാരിൽ വന്ന മഹോന്നതനെൻ

പാപം പരിഹരിപ്പാൻ ചോരചിന്തി മരിച്ചു ക്രൂശിൽ

 

നീച മരണം വരിച്ചേറ്റം നീചർ നടുവിൽ നാഥൻ

നീചനാമെന്നെ ദൈവപൈതലാക്കി മഹാദയയാൽ

 

മൂന്നാം ദിനമുയിർത്തു എന്റെ മൃത്യുഭയമകറ്റി

നിത്യജീവനരുളി നിത്യരാജ്യവകാശിയാക്കി

 

വന്നിടും താൻ മേഘത്തിൽ തന്റെ കാന്തയെച്ചേർത്തിടുവാൻ

ചേർന്നിടുമന്നു ഞാനും പ്രാണനാഥനോടൊത്തു വാനിൽ

 

ഹല്ലെലുയ്യാ രാജന്നു ആമേൻ ഹല്ലെലുയ്യാ കർത്തന്നു

ഹല്ലെലുയ്യാ പാടി നാം ഒന്നായാർത്തു ഘോഷിച്ചിടുക