Njaanente naadhanaamesuvodukoode

ഞാനെന്റെ നാഥനാമേശുവോടുകൂടെ

ആനന്ദമായെന്നും വാണിടുമേ

ഇഹലോകദുരിതങ്ങളഖിലം മറന്നിടും

സകലസന്തോഷവും കൈവന്നിടും

 

എനിക്കായി കുരിശിൽ വച്ചുറക്കെ കരഞ്ഞൊരു

തിരുമുഖം ഞാനന്നു കണ്ടിടുമേ

ഇരുമ്പാണികളാലേറ്റ മുറിവോടു കൂടിയ

തിരുകൈകാൽകൾ മോദാൽ മുത്തിടുമേ

 

യൂദന്മാർ നിന്ദിച്ചു ക്രൂശിച്ച നാഥനെ

ദൂതന്മാർ വന്ദിച്ചു നിന്നിടുമ്പോൾ

അഗതികളാമവന്നനുഗാമികൾ തന്റെ

അരികിൽ നിന്നതിമോദം പൂണ്ടിടുമേ

 

ഉടലിതു വെടിഞ്ഞെന്നാലുടനെ ക്രിസ്തേശുവി

ന്നടുത്തണഞ്ഞിടുമതു നിർണ്ണയമേ

അതിന്നായിട്ടതിയായി കൊതിയോടിക്ഷിതി തന്നിൽ

സ്ഥിതിചെയ്യും മൃതിയോളമതിമോദമേ.