Kristhuvin sannidhiyil

ക്രിസ്തുവിൻ സന്നിധിയിൽ കൃപയെഴും തൻ നിഴലിൽ

പാർക്കും ഞാൻ തന്നരികിൽ കീർത്തനം പാടി മുദാ

 

ശോധന നാളുകളിൽ വേദന വേളകളിൽ

സാന്ത്വനമൊഴികളാൽ സങ്കടമകറ്റി

സന്തോഷമരുളിടും താൻ

 

ലോകസൗഭാഗ്യങ്ങളോ ശോകത്തിൻ മാർഗ്ഗങ്ങളാം

ശാശ്വതശാന്തിയെൻ ക്രിസ്തുവിലൊഴികെ

വേറെങ്ങും ലഭിക്കയില്ല

 

ദുഃഖിതർക്കാലംബം താൻ സൗഖ്യദായകൻ താൻ

കഠിനമാം വ്യഥകളാൽ കലങ്ങിയമനസ്സിന്നാനന്ദ

വല്ലഭൻ താൻ

 

നിത്യമാം പാർപ്പിടത്തിൽ എത്തിടും നാൾവരെ ഞാൻ

വിശ്രമമെന്നിയേ പ്രവർത്തിക്കും

തൻതിരുനാമ മഹത്വത്തിനായ്.