Aasvaasadaayakan yesunaadhan

ആശ്വാസദായകൻ യേശുനാഥൻ

ആനന്ദവല്ലഭൻ തന്നേയവൻ

അൻപുള്ള രക്ഷകൻ നമ്മെയെന്നും

അൻപോടെ കാത്തിടും നിശ്ചയമായ്

 

ക്രിസ്തുവിൽ ആശ്രയിക്കാം

നമുക്കെന്നും ആശ്രയിക്കാം

ക്രൂശിൽ മരിച്ചുയിർത്തെഴുന്നെറ്റ

ക്രിസ്തുവിൽ ആശ്രയിക്കാം

 

ആപത്തുനേരത്തിൽ സങ്കേതമായ്

ചാരത്തുവന്നു തൻമാർവ്വണച്ച്

വേദനമാറ്റി കണ്ണീർ തുടച്ച്

ആശ്വാസം നൽകി ആശ്ളേഷിക്കുമേ

 

ശോധന ധാരാളം വന്നിടുന്ന

വേളയിൽ ഉന്നതൻ താങ്ങിടുമേ

അന്നന്നു വേണ്ടുന്നതെല്ലാം തന്നു

അത്ഭുതനാഥൻ നടത്തിടുമേ

 

വാഗ്ദത്ത ദേശത്തു ചേർത്തിടുവാൻ

വാഗ്ദത്തം ചെയ്തവൻ വന്നിടുമേ

വാനവും ഭൂമിയും മാറിയാലും

വാക്കുപറഞ്ഞവൻ മാറുകില്ല.