Paapikku maravidamesu rakshakan

പാപിക്കു മറവിടമേശു രക്ഷകൻ

പാരിതിൽ വന്നു ജീവൻ തന്നവൻ

പരമോന്നതൻ കുരിശോളവും

തന്നെത്താഴ്ത്തിയെന്നെയോർത്തവൻ

 

ഉലകത്തിൻ പാപത്തെ നീക്കുവാൻ

ഉടലെടുത്തൂഴിയിൽ വന്നവൻ

ഉയിർ തന്നവൻ മൂന്നാം ദിനം

ഉയിർത്തെഴുന്നു വാനിൽ ചെന്നവൻ

 

എന്നുമുള്ളവൻ സർവ്വവല്ലഭൻ

മണ്ണും വിണ്ണുമെല്ലാമുണ്ടാക്കിയോൻ

ഉന്നതാധിപൻ ഹീന പാപിയാ-

മെന്നെത്തേടിവന്നതത്ഭുതം

 

വഴി സത്യം ജീവനുമായവൻ

വഴി പിശകാതെ നടത്തിടും

പൊഴിയും സദാ കൃപ മാരിപോൽ തേൻ

മൊഴികൾ തൂകി താങ്ങിടും

 

പാപഭാരം പേറി വലഞ്ഞിനി

ശാപത്തീയിൽ വീണെരിയാതെ നാം

കൃപയേറിടും ക്രിസ്തുവേശുവിൻ

കുരിശിൽ വിശ്രാമം നേടിടാം.