Yesuvin naamam en yesuvin naamam

യേശുവിൻ നാമം എൻ യേശുവിൻ നാമം

എൻ ജീവിതത്തിലേകയാശ്രയമേ

ഞാനെന്നും സ്തുതിക്കും ഞാനെന്നും വാഴ്ത്തും

യേശുവിൻ നാമം എനിക്കെത്രയാനന്ദം

 

പാപിയായിരുന്നെന്നെ രക്ഷിപ്പാനായ്

യേശു ക്രൂശിലേറി തന്റെ ജീവനർപ്പിച്ചു

യേശു എത്ര നല്ലവൻ യേശു എത്ര വല്ലഭൻ

പതിനായിരത്തിലതിശ്രേഷ്ഠനവൻ

 

നല്ലിടയനായ യേശുനാഥൻ

നിരന്തരമായെന്നെ വഴിനടത്തും

അവനെന്നെ ശാസിക്കും അവനെന്നെ രക്ഷിക്കും

കൊടിക്കീഴിലെന്ന നിത്യം നടത്തുമവൻ

 

സമാധാനമില്ലാതെ ഞാൻ വലഞ്ഞു

യേശു സമാധാനമായെന്റെ അരികിൽ വന്നു

അവനെന്നെ അണച്ചു അവനെന്നെ താങ്ങി

ഭുജബലത്താലെന്നെ നടത്തുമവൻ