Yesuveyen rakshakaa

യേശുവേയെൻ രക്ഷകാ ആശ്രയം നീ മാത്രമേ

ആശിഷം നീ നൽകണേ അഗതിയാകും അടിയൻ

കദനഭാരം തിങ്ങി ഞാൻ കരളുരുകി കേഴുമ്പോൾ

കരതലത്തിൽ ചേർക്കണേ കണ്ണുനീർ തുടയ്ക്കണേ

 

മാനരുവി തേടുംപോൽ ദൈവമേ നിൻ സന്നിധി

തേടിടുന്നു ഏഴ ഞാൻ ആയതാണെൻ ആനന്ദം

കർത്തൃപാദ സേവയിൽ ആയുസ്സെല്ലാം തീരണം

വേറയില്ല ആഗ്രഹം ദൈവമേ തുണയ്ക്കണം

 

കണ്ണുനീർ തോർന്നിടും കഷ്ടതകൾ മാറിടും

കർത്തനെ ഞാൻ കണ്ടിടും കാലാകാലം വാണിടും

ആ ദിനത്തിനായ് ഞാൻ ആർത്തിയോടെ പാർക്കുന്നു

ആമേൻ! യേശു രക്ഷകാ വേഗമിങ്ങ് വന്നിടൂ.