Vaazhum njaanen rakshithaavin koodeyeppozhum

വാഴും ഞാനെൻ രക്ഷിതാവിൻ കൂടെയെപ്പോഴും

തൻകൃപയിലാശ്രയിക്കും എല്ലാനാളും ഞാൻ

പാടും ഞാൻ എന്നും എന്റെ പ്രിയനെ

 

എന്റെ പ്രിയൻ വാനിൽ നിന്നെഴുന്നള്ളീടുന്ന

മാറ്റൊലി ഞാൻ കേട്ടിടുന്നു നാട്ടിലെങ്ങുമേ

ക്ഷാമം ഭൂകമ്പം അതിനാരംഭം

 

ക്ഷാമത്താലീക്ഷോണി എങ്ങും ക്ഷീണമാകുമ്പോൾ

എനിക്കെത്തിടാത്ത നിക്ഷേപമുണ്ടെന്റെ പ്രിയനിൽ

എന്നെ പോറ്റിടും എന്റെ രക്ഷകൻ

 

ഇന്നലെക്കാളിന്നു ഞാനെൻ പ്രിയൻ

നാടിനോടേറ്റം അടുത്തതായതെനിക്കെത്രയാനന്ദം

എന്റെ പ്രിയനെ ഒന്നു കാണുവാൻ

 

ഈ വാരിധിയിൽ വൻതിരയിൽ തള്ളലേറ്റു ഞാൻ

മുങ്ങിടാതെ പ്രിയനെന്റെ ബോട്ടിലുണ്ടല്ലോ

ഗാനം പാടിയെൻ നാട്ടിലെത്തുമേ

 

എൻ രക്ഷിതാവേ! നിൻ വരവു കാത്തു കാത്തു ഞാൻ

ഈ ദുഷ്ടലോകെ കഷ്ടതകൾ എത്ര ഏൽക്കണം

നിന്നെക്കാണുമ്പോൾ എൻ ദുഃഖം തീർന്നുപോം.