Sthuthichu paadaam yesuvine

സ്തുതിച്ചു പാടാം യേശുവിനെ

സ്തുതികളിൽ വസിക്കുമുന്നതനെ

സ്തോത്രവും സ്തുതിയും മാനം മഹത്വവും

അർപ്പിച്ചു വാഴ്ത്തി സ്തുതിച്ചിടാം

 

പാപം നിറഞ്ഞൊരീധരണിയിലന്നു

പാപിയാമെന്നെത്തേടി നീ വന്നു

നിത്യമാം ജീവനെ ദാനമായേകിയ

ക്രിസ്തേശുനാഥനെ സ്തുതിച്ചിടുവിൻ

 

അനവധി കൃപകൾ അനുഭവിച്ചിടാൻ

അനുവദിക്കുന്നെന്നെയനുദിനവും

അന്ത്യത്തോളമെൻ ക്രൂശുമെടുത്തിനി

അനുഗമിക്കും ഞാനീമരുയാത്രയിൽ

 

കർത്തനിൻ നന്മകൾ കീർത്തിക്കും ഞാനെന്നും

മാനവരിൽ ചെയ്തൊരത്ഭുതങ്ങൾ

നന്ദിയാലെന്നും നിന്നെ പുകഴ്ത്തിടും

നശ്വരമാമീ പാരിടത്തിൽ

 

കണ്ടിടുമൊരുനാളെൻ പ്രിയകാന്തനെ

ശുദ്ധരോടൊന്നിച്ചങ്ങാരാധിക്കും

മരണവും ശാപവും മാറിയതോർത്തെന്നും

പാടിടാം ജയ ജയ ഗീതങ്ങൾ.