Sthothram paadidum njaan

സ്തോത്രം പാടിടും ഞാൻ

എന്നായുസ്സിൻ നാളെല്ലാം

നിൻദയ ഓർത്തെന്നെന്നും

നിന്നെ സ്തുതിച്ചിടും ഞാൻ

 

പാപത്തിന്നധീനതയിൽ കിടന്ന

ദുഷ്കർമ്മിയാമെന്നെ വിടുവിച്ചു

ഘോരവൈരിയിൻ ശിരസ്സിനെ

തകർത്തെനിക്കായ്

കീർത്തനം പാടുവാൻ കൃപ തന്നു

 

നിൻകൃപകൾ എത്ര മോഹനമേ

നിൻക്രിയകൾ എത്ര അഗാധമേ

എണ്ണമില്ലാത്ത സ്വർഗ്ഗീയ ദാനങ്ങളാൽ

ഏഴയെ അനുഗ്രഹിച്ചു കാത്തതിനാൽ

 

സന്തോഷത്തോടെന്നും വന്നിടുമേ

സംഗീതത്തോടെ നിൻ സന്നിധിയിൽ

ദൈനംദിനം നടത്തുന്ന വൻകൃപയ്ക്കായ്

നന്ദിയോടെന്നും ഞാൻ സ്തുതിച്ചിടുമേ.