Priyan varum naaliniyadikamilla

പ്രിയൻ വരും നാളിനിയധികമില്ല

സീയോൻ പുരം നമുക്കിനിയകലമല്ല

 

ഓട്ടം തികച്ചു നാമക്കരെ നാട്ടിൽ

ഒട്ടും കണ്ണുനീരില്ലാത്ത വീട്ടിൽ

ഒരു നാളിൽ നാമണഞ്ഞിടുമ്പോൾ

ഓടിപ്പോയിടും വിനകളെല്ലാം

 

അവന്നായിന്നു നിന്ദകൾ സഹിച്ചും

അപമാനങ്ങൾ അനുഭവിച്ചും

അവൻ വേലയിൽ തുടർന്നിടുന്നു

അന്നുതരും താൻ പ്രതിഫലങ്ങൾ

 

ഇരുളാണിന്നു പാരിതിലെങ്ങും

ഇവിടില്ലൊരു സമാധാനവും

പരനേശുവിൻ വരവെന്നിയേ

പാരിൽ നമുക്കു വേറാശയില്ല

 

അന്ത്യനാളുകളാണിതെന്നറിഞ്ഞ്

ആദ്യസ്നേഹത്തിൽ നമുക്കിനിയും

തിരുനാമത്തിൻ മഹിമകൾക്കായ്

തീരാം താൻ പാരിൽ തരും നാളുകൾ.