Maaraatha snehithan

മാറാത്ത സ്നേഹിതൻ മാനുവേൽ തൻതിരു

മാറിടം ചാരിടും ഞാൻ ദിനവും

പാരിടമാകവേ മാറിടും നേരവും

ചാരിടാൻ തൻതിരു മാറിടമാം

 

ഖേദമെന്നാകിലും മോദമെന്നാകിലും

ഭേദമില്ലാത്തൊരു സ്നേഹിതനാണവൻ

മേദിനിയിൽ വേദനകൾ

ഏതിനമൊക്കെയെന്നറിഞ്ഞോൻ

 

നിത്യതയോളവും സത്യകൂട്ടാളിയായ്

ക്രിസ്തനല്ലാതെയില്ലാരുമീ ഭൂമിയിൽ

മൃത്യുവിനാൽ മാറുമത്രേ

മിത്രമായാലും മർത്യരെല്ലാം

 

ഭാരങ്ങളേറുമീ പാരിൽ നാൾതോറുമെൻ

ഭാരം ചുമന്നിടും കർത്തനാണേശു താൻ

ആത്മപ്രിയൻ നല്ലിടയ

ന്നാർദ്രതയെന്നെ പിന്തുടരും

 

ആകെയിളകിടും ലോകമിതേകിടും

ആകുലവേളകൾ ഭീകരമാകുമോ?

ഹല്ലേലുയ്യാ! ഹല്ലേലുയ്യാ!

പാടുമെൻ ജീവകാലമെല്ലാം.