Ente priyano avan enikkullavan

എന്റെ പ്രിയനോ അവൻ എനിക്കുള്ളവൻ

അവൻ എന്നേക്കുമായെന്നെ വീണ്ടെടുത്തവൻ

 

ഇത്രമഹൽ സ്നേഹമാരിലും ഞാൻ

ഇദ്ധരയിലെങ്ങും കാണുന്നില്ല

എന്നെ സ്വന്തമാക്കിടുവാൻ

എൻപേർക്കായ് രക്തം ചൊരിഞ്ഞവൻ താൻ

 

ലോകത്തിൻ സ്ഥാപനം മുതലെനിക്കായ്

അറുക്കപ്പെട്ട ദൈവകുഞ്ഞാടവൻ

പാപശാപം നീക്കിടുവാൻ

പ്രിയൻ ശാപമായി ക്രൂശതിന്മേൽ

 

ആയിരത്തിൽ പതിനായിരത്തിൽ

സർവ്വാംഗ സുന്ദരനെൻപ്രിയൻ താൻ

പ്രാണതുല്യം സ്നേഹിച്ചതാൽ

തൻജീവൻ നൽകി മറുവിലയായ്

 

നന്ദിയാലെന്നുള്ളം നിറഞ്ഞിടുന്നേ

സ്തോത്രങ്ങൾ പാടി ഞാൻ വാഴ്ത്തിടുമേ

ജീവനുള്ള കാലമെല്ലാം ഹാ!

നന്ദിയോടെ സ്തുതിച്ചിടുമേ.