Ente karthaavin paadathinkal

എന്റെ കർത്താവിൻ പാദത്തിങ്കൽ

സ്തോത്രയാഗങ്ങൽ അർപ്പിക്കും ഞാൻ

എന്റെ പാപത്തിൻ ശാപത്തെ നീക്കിയ

കർത്തനെ വാഴ്ത്തി വണങ്ങിടും ഞാൻ

 

എന്റെ ശിക്ഷകൾ നീക്കിടുവാൻ

യേശു രക്ഷകനായ് വന്നിഹത്തിൽ

എന്റെ ലംഘനങ്ങൾ എല്ലാം ക്ഷമിച്ചു തന്നു

തന്റെ കാൽവറി രക്തത്തിനാൽ

 

രോഗശോകങ്ങൾ വന്നിടുമ്പോൾ

സൗഖ്യദായകനായ് അരികിൽ വന്ന്

എന്റെ ആകുലങ്ങൾ എല്ലാമകറ്റിയെന്നിൽ

എന്നും ആശ്വാസം പകർന്നിടും താൻ

 

എന്റെ എതിരികൾ നിരനിരയായ്

ചാരേ അണഞ്ഞിടും സമയമതിൽ

ലോകരക്ഷകനാമേശു നാഥനവൻ

മാർവ്വതിൽ ചേർത്തെന്നെ കാത്തിടുമേ!