Anyonyam snehikkuvin ningal

അന്യോന്യം സ്നേഹിക്കുവിൻ നിങ്ങൾ

അന്യോന്യം സ്നേഹിക്കുവിൻ

സ്നേഹിച്ചു ജീവൻ തന്നവൻ നാഥൻ

സ്നേഹമായോതുന്നിതാ

 

അന്യർ തൻ ദുഃഖത്തിൽപങ്കു ചേർന്നിടണം

ആർദ്രത കാട്ടിടണം

ഉള്ളതിൽ പങ്കു നാം അഗതികൾക്കായ്

അറിഞ്ഞു നല്കിടേണം മടിച്ചിടാതെ

 

ദൈവത്തിൻ നൽസ്നേഹം

ഉള്ളിലുള്ളാരുമേ ആരോടും കോപിക്കില്ല

എല്ലാം സഹിക്കുവാൻ ക്ഷമിച്ചിടുവാൻ

ക്രിസ്തേശു നമ്മോടോതിയല്ലോ

 

അയല്ക്കാരെ നമ്മൾ സ്നേഹിക്കാതെങ്ങനെ

ദൈവത്തെ സ്നേഹിച്ചിടും?

ക്രിസ്തുവിൻ താഴ്മ നാം ധരിച്ചിടണം

എളിയവരെയാദരിച്ചിടണം.